A thra ein bod yn siarad ar faneri _ _ _

_ _ _  chware teg i Gwil am fod ddigon dewr i ddangos ei ochr. 

Er nad ydw i'n un mawr am y Jac yn bersonol, mae'n rhaid edmygu dyn sy'n fodlon sefyll tros ei ddaliadau.  Gwil a Gwil yn unig sydd wedi rhoi'r faner goch, glas a gwyn ar ei dy yn Llanberis - nid ar chwarae bach mae dyn yn mynd ati i ddiffinio ei hun fel prif frenhinwr Llanber.

Felly da iawn chdi was - dal dy dir!

Brwydr y baneri - Caernarfon

Os ydych chi wedi bod yn aros yng Nghaernarfon, neu'n ymweld a'r dref yn ystod Eisteddfod yr Urdd byddwch wedi sylwi ar y baneri a'r bynting sydd wedi ymddangos ym mhob man. Byddwch hefyd mae'n debyg gen i wedi nodi bod llawer, llawer mwy o goch, gwyn a gwyrdd i'w weld na choch, gwyn a glas.

Ond pe taech wedi chwilio byddech wedi dod o hyd i gryn dipyn o goch, gwyn a glas - ond byddai'r rhan fwyaf ohono wedi bod yn anodd i'w ganfod - roedd 95% o leiaf - wedi ei leoli ar dair stryd sydd wedi eu cysylltu a'u gilydd ar un stad tai cyngor - Ffordd 'Sgubor Goch, Cae'r Caint a Maes Barcer - yr unig strydoedd yng Ngwynedd i gael eu cau i bwrpas cynnal parti. Mae'r strydoedd yma, gyda llaw, ymysg y tlotaf yn y Gogledd Orllewin, ac ymysg y mwyaf Cymraeg o ran iaith yng Nghymru.

Beth bynnag - dyma i chi flas o frwydr y baneri yng Nghaernarfon:

Coch Gwyn a Glas

Lon Sgubor Goch

Boots

Y Four Alls

Tipyn o'r ddau

Yr Institiwt


Siop Dan Cloc


British Heart Foundation

Spar Maes


Cancer Research


Craft Cymru

Maes Barcer

Cae'r Saint

Coch Gwyn a Gwyrdd

Yr Eagles

 Tesco

 McDonalds

Lon Parc

Llys Meirion

Stryd Fawr

Gwesty'r Celt

Castell Caernarfon

Plaid Cymru

Wil Bwtch

Stryd Twll yn y Wal

Pencadlys Cegin Cofi

Moduron Menai

 Cofi Roc

 Black Boy

Y Castell

Stryd Llyn

Banc HSBC (a phob banc arall)

 Gray Thomas

 Palas Print

 Y Farchnad

 Stryd y Plas

Siop Llinos

 Celtica

Ffordd y Gogledd

 Stryd y Bont

Stryd Fawr

Costau'r Jiwbili a 'gwerth' y teulu brenhinol

Rwan bod y ffagl Olympaidd yn diflannu tuag at Loegr, bydd ein cyfryngau 'Cymreig' yn troi eu sylw tuag ar y jiwbili brenhinol. Mae rhai o'r cyfryngau hynny yn flin iawn oherwydd gwariant ar yr iaith Gymraeg. Felly efallai na fyddai'n ddrwg o beth i gael cip ar gost y jiwbili yn benodol a'r teulu brenhinol yn gyffredinol.


Yn ol astudiaeth diweddar gan Brand Finance mae'r ffigyrau yn rhai mawr.

Mrs Windsor a rhai o'i ffrindiau

Yn ol Brand Finance mae asedau 'cyffyrddiadwy'r' teulu yn dod i tua £18 biliwn.
Gellir ychwanegu £26 biliwn o asedau anuniongyrchol. Cyfanswm o £44 biliwn. Os ydych eisiau rhywbeth i gymharu hyn efo fo, £14.7 biliwn ydi cyfanswm cyllideb gyfredol y Cynulliad Cenedlaethol. Mae hyn yn cynnwys fwy neu lai yr holl wariant yng Nghymru ar y Gwasanaeth Iechyd a'r Gwasanaeth Addysg i dair miliwn o bobl.

Mi fyddwn yn clywed hyd at syrffed yr holl les fydd y sioe yn ei wneud i'r diwydiant twristiaeth. Yn ol yr adroddiad £924 miliwn fydd cyfanswm hyn, tra bydd cost y gwyl y banc ychwanegol ynddo ei hun yn £1.2 biliwn.

'Dydi'r adroddiad ddim yn edrych ar gostu diogelwch - sy'n debygol o fod yn anferthol. Mae'n debyg y bydd yr holl sioe yn costio cannoedd o weithiau'r hyn roedd y Western Mail yn honni ydi cost cyfieithu cofnod y Cynulliad i'r Gymraeg. Ond peidiwch a disgwyl i'r Bib na'r Western Mail ddweud hynny wrthych.