Tuesday, October 12, 2010

Andrew Marr a'r blogosffer


'Dydi Andrew Marr o'r Bib ddim yn meddwl llawer o'r blogosffer gwleidyddol.

Dyfynaf:

Most citizen journalism strikes me as nothing to do with journalism at all_ _ _.
A lot of bloggers seem to be socially inadequate, pimpled, single, slightly seedy, bald, cauliflower-nosed, young men sitting in their mother's basements and ranting. They are very angry people.

"OK – the country is full of very angry people. Many of us are angry people at times. Some of us are angry and drunk. But the so-called citizen journalism is the spewings and rantings of very drunk people late at night.


Mae Mr Marr yn gywir i'r graddau bod yna flogio difrifol o wael a gor emosiynol i'w weld yn weithiau, ac mae yna lawer iawn o flogio di ddim. Mae yna hefyd flogio arbennig o dda ar gael. Ar ei orau mae blogio gwleidyddol yn llenwi twll na all y Bib ei lenwi yn yr ystyr ei fod yn rhoi perspectif gwahanol, llai sefydliadol nag un y gorfforaeth, ac yn aml bydd gwybodaeth y Bib yn llai trylwyr, ac yn fwy arwynebol na'r hyn sydd gan rhai blogwyr.

A dweud y gwir mae sylwadau Mr Marr yn nodweddiadol o'r hyn sydd yn aml yn fy mhoeni am ohebiaeth gwleidyddol y Bib - ceir tueddiad parhaus i geisio gwneud i sefyllfaoedd cymhleth ffitio i mewn i ddehongliadau syml. Diogi newyddiadurol mewn geiriau eraill. Mae'r byd blogio yn gymhleth ac yn amrywiol - ac yn eironig ddigon mae newyddiadura gwleidyddol gorau'r Bib yng Nghymru i'w gael ar flogiau Vaughan a Betsan ac nid ar y cyfryngau prif lif.

O - a rhag ofn bod rhywun a diddordeb, mae gen i fwy o wallt, llai o blorod, clustiau twtiach a mwy o blant nag Andrew a 'dwi heb fyw efo mam ers 1978. Fydda i ddim yn gwylltio'n aml chwaith.

4 comments:

Alwyn ap Huw said...

Sylwi dy fod wedi hepgor "meddw" yn dy amddiffyniad o beidio a rhannu ei weddau ef o flogiwr!

Cai Larsen said...

Hmm - mae yna ambell i flogiwr sydd mor dreiddgar nes chwalu damcaniaethau Mr Marr.

Mae'n rhaid i mi syrthio ar fy mai Alwyn a chydnabod fy mod weithiau ychydig yn benysgafn ar ddiwrnod 'Dolig ar ol yfed sieri efo fy nghinio.

Anonymous said...

Tybed a ydi'r diffiniad o 'slightly seedy' yn cynnwys bod รข 'superinjunction' yn gwahardd straeon am fywyd personol rhywun?

Cai Larsen said...

Wel Guto, mae yna agweddau ar fywyd personol Andrew sy'n waeth na 'slightly seedy'_ _ _ - ond doethach fyddai rhoi taw arni rwan hyn rhag ofn i mi gael fy hun o flaen fy ngwell.