Aled Davies, amaethwr o Bowys ydi'r dyn lwcus.
Ymddengys ei fod yn gyn asiant i Glyn Davies. 'Dydi Arfon ddim y math o etholaeth lle mae'n bosibl i Dori gael unrhyw lwyddiant ynddi, felly mae'n edrych braidd fel petai'n cael ei hel i'r Gogledd i gael ychydig o brofiad etholiadol cyn cymryd drosodd gan Glyn - pan fydd hwnnw'n rhoi'r gorau iddi.
Mi fydd darllenwyr Golwg yn gwybod mai Christina Rees, cyn wraig Ron Davies fydd yn sefyll tros Lafur.. Mae'n fargyfreithiwr a hyfforddwr sboncen ac wedi bod yn weithgar ar ran y Blaid Lafur ers oes yr arth a'r blaidd. Bu'n rhaid iddi gamu i'r adwy wedi i Alwyn Humphreys ddianc i'r ystafell molchi i ail osod ei fascara wedi iddo fo a gweddill Llafurwyr De Clwyd gael ffrae fach a dechrau waldio ei gilydd efo'u bagiau llaw.
Efallai na fyddai Alwyn wedi bod yn hapus yn Arfon, hyd yn oed petai trwy rhyw ryfedd wyrth wedi llwyddo i gael ei ethol.
5 comments:
"Mi fydd darllenwyr Golwg yn gwybod..." oherwydd bod Golwg wedi penderfynnu arddel moesoldeb y "News of the World" trwy gyhoeddu ffaith gwbwl amherthansol.
Dylai fod cywilydd ar Golwg am wneud y fath beth ar ol i gyfryngau eraill Cymru ddewis ei anwybyddu dyddiau cyn i Golwg gyhoeddu - neu wybod.
Roedd hwn yn bendernyniad cwbwl anfoesol a chroes i bob cod ymddygiad newyddiadurol y - a hynny gan gyhoeddiad sy'n gloddesta ar arian cyhoeddus. Gwarthus.
Digon teg i Lol. Os ydy Golwg yn dewis bod yn Lol - boed felly!
Y sboncen, y cysylltiadau cyfreithiol, actifyddiaeth Llafur 'ta'r cysylltiad efo Ron Davies ydi'r ffaith amherthnasol News of the Worldaidd?
Y cysylltiad a Ron Davies. Mae hynny yn amlwg ac mi wyt ti'n gwybod hynny. Pathetig yw esgus yn wahnol.
Mae croeso i ti fel blogiwr yfed o'r gwter.
Mae'n warthus ar y llaw arall i bobol ddylai fod yn newyddiadwyr proffesiynol wneud hynny.
Y cwestiwn syml yw beth oedd y cyfianwanhad cyhoeddus?
Cwestiwn syml - heb unrhyw ateb posib gan Golwg. Oherwydd does 'na ddim.
Hynod beryglus yw arddel moesoldeb y gwter tra'n dernbyn arian am fod yn wasanaeth newyddion.
Dyw Daily Sport360 ddim yn debyg o bara'n hir gan fod Y Cymro eisoes yn gwneud gwell heb sentan.
Pan safodd Vicky Pryce, cyn wraig Chris Huhne tros y Lib Dems y llynedd, adroddwyd ar hynny gan y Telegraph - ac fe dynwyd sylw at ei chysylltiad efo ChH. Yn wir - dyna oedd stori'r Telegraph.
Aeth y Telegraph ymlaen i dynnu sylw at y ffaith bod cariad newydd Chris Huhne, Carina Trimingham wedi bod mewn partneriaeth sifil efo dynas arall pan ddechreuodd y berthynas efo Huhne. Y berthynas efo Ms Trimingham arweiniodd at chwalu priodas Vicky Pryce a Chris Huhne
Rwan, dwi ddim yn dadlau bod ymdriniaeth y Telegraph a'r stori yma'n rhywbeth i fod yn falch ohono - ond papur newydd ydi papur newydd - posh neu beidio, Cymraeg neu beidio a dibynol ar arian cyhoeddus neu beidio.
Roedd ymdriniaeth Golwg o'u stori nhw yn llawer mwy cynnil ac yn llawer llai tebygol o achosi loes nag ymdriniaeth y Telegraph o driongl Huhlne, Price a Trimingham.
Post a Comment