Monday, December 03, 2012

Cwpan y Bib yn llawn

Un o'r problemau eilaidd sy'n wynebu unrhyw gymuned sydd wedi dioddef llifogydd neu anffawd naturiol arall ydi'r posibilrwydd cryf y bydd Charles Windsor neu aelod arall o'i deulu' n cymryd mantais o'r sefyllfa i hyrwyddo ei hun ac yn glanio yno ynghanol fflyd o sycoffantiaid proffesiynol.  Dyna ddigwyddodd heddiw yn Llanelwy - cyrhaeddodd Charles ynghanol y llanast i gyfeiliant anymunol gohebwyr y Bib yn ei ganmol i'r cymylau ac yn chwilio ym mhob twll a chornel am bobl oedd yn fodlon dweud pethau ffeind am y parasit diog.  

A thra rydym yn son am BBC Cymru, mae'n debyg y byddai'n grintachlyd peidio a chydnabod bod cwpan y sefydliad yn llawn ar hyn o bryd.  Llyfu a llempian o gwmpas uchelwyr neu sefydliadau tramor ydi'r unig beth mae BBC Cymru yn ei wneud yn wirioneddol dda, a chafwyd cyfleoedd di ben draw i ymarfer a mireinio'r grefft yn ddiweddar.  Cafwyd jiwbili Elizabeth Windsor yn ystod y gwanwyn, jambori fawr Brydeinllyd y Gemau Olympaidd yn ystod yr haf, a wele lawenydd ar ben llawenydd - feichiogrwydd Kate Middleton.  Mi fydd y crafu o Fryn Meirion, Ffordd Llantrisant a Phenglais yn ymgyraedd at binacl hysteraidd fel y bydd y misoedd sydd o'n blaenau yn mynd rhagddynt.  

2 comments:

Anonymous said...

I would like to thank you for the efforts you've put in writing this website. I really hope to view the same high-grade content from you later on as well. In fact, your creative writing abilities has encouraged me to get my own website now ;)
Here is my web blog - http://www.blucigs.com/premium-starter-kits

Anonymous said...

Good web site you've got here.. It's hard to find excellent writing like yours nowadays.
I really appreciate people like you! Take care!!
Also see my website :: Paper trading Options