Tros beth saif Owen Smith?

Rydym eisoes wedi edrych ar y blog ar ddelfrydau gwleidyddol cynnar Owen Smith pan roedd yn ymgeisydd ifanc Llafur ym Mlaenau Gwent - mynd i'r afael a defaid a iobs.  Ond mae'n rhaid ei fod wedi symud ymlaen ers hynny - ac wedi magu diddordeb mewn rhywbeth amgenach.  Mae'n anodd iawn dod o hyd i unrhyw beth mae Owen yn credu ynddo cyn yr etholiad arweinyddol, ond ar ol hir chwilio mae'n bleser gan Flogmenai lenwi'r bylchau a rhoi syniad o'r hyn mae Owen yn credu ynddo bellach.

• Mae o blaid adnewyddu Trident a diarfogi niwclear.
• Mae o blaid cadw'r Gwasanaeth Iechyd yn llwyr mewn dwylo cyhoeddus ond hefyd i breifateiddio agweddau ohono.
• Mae o blaid gwladgarwch, ond yn anfodlon i Gymru gael ei thim criced ei hun ac yn ymfalchio yn ei gred (cwbl ffug), bod hunaniaeth cenedlaethol yn marw. 
• Yn credu mewn amddiffyn budd daliadau, ond yn anfodlon pleidleisio i'w hamddiffyn.

Mae o'n mwynhau ciniawa efo gwerthwyr arfau yn ei amser hamdden.

A dyna chi - digon i bawb a phopeth yna.  

Os dof o hyd i rhywbeth arall, darllenwyr Blogmenai fydd y cyntaf i gael gwybod.