Blogiau sy'n mynd ar fy nerfau rhan 2 - Glyn Davies

Dwi wedi rhyw addo mynd ati i gynhyrchu blogiadau achlysurol am flogiau sy'n mynd ar fy nerfau. Paul Flynn gafodd y fraint a'r anrhydedd o ddechrau pethau gyda'i gyfres o flogiadau am y rhyfel yn Afghanistan - blogiadau sy'n rhoi'r argraff mai milwyr Prydeinig a milwyr Prydeinig yn unig sydd yn marw yn y rhyfel hwnnw.

Blog aelod seneddol arall - un Maldwyn - Glyn Davies ydi'r ail - ac maer blog yma yn mynd ar fy nerfau i raddau llawer mwy nag ydi un Paul.  .

Mae'r blog yn adlewyrchu tueddiad Glyn i fod eisiau plesio pawb a phopeth. Bydd Glyn wrth ei fodd yn cytuno efo chi - does yna ddim oll yn nes at ei galon.  Er enghraifft mae ganddo'r hyn mae'n ei alw yn Soft Spot  tuag at Blaid Cymru  ac UKIP yn ogystal a warm attitude  tuag at y Lib Dems.  Yn wir mae'n annad dim arall eisiau i ni i gyd ddeall ei fod yn foi hynod o rhesymol, ei fod yn y bon yn cytuno efo ni - ac yn cytuno efo ni os ydym yn Bleidwyr, UKIPwyr, neu Lib Dems.  Ond, fel gyda phob dim sydd yn dod o gyfeiriad Glyn hunan gyflwyniad ydi'r peth  pwysig mewn gwirionedd..  Ffordd o ddweud rhywbeth arall ydi hyn - ffordd o ddweud ydyw ein bod ni - yn Bleidwyr, UKIPwyr, neu Lib Dems - yn cytuno efo Glyn.  Mae o'n ddyn rhesymol, mae o'n deall ein safbwyntiau, mae o efo ni yn y bon - ac yn bwysicach rydan ni efo fo yn y bon hefyd.

Nonsens o'r radd eithaf ydi hyn yn y pen draw wrth gwrs.  Dydi hi ddim yn bosibl rhyw gytuno gyda Phlaid Cymru ac UKIP ar yr un pryd heb ddweud celwydd wrth y naill blaid neu'r llall - neu'r ddwy. 

Mae hefyd - o bryd i'w gilydd - eisiau ymddangos yn ddewr, herfeiddiol a pharod i feirniadu hen bobl ddrwg.  Ac mae yn arbenigwr ar ddod o hyd i ffyrdd o ymddangos i gicio yn erbyn y tresi, ymddangos i fod yn ddewr a herfeiddiol, tra yn pechu neb yn y Byd Mawr Crwn mewn gwirionedd. 

Maer obsesiwn efo ceisio ymddangos yn hen foi iawn yn esgor ar lawer o flogiadau braidd yn idiotaidd.  Cymerer fel un enghraifft ymysg llawer, y blogiad yma oedd yn ymdrin ag  anturiaethau noeth lymyn un o aelodau'r teulu 'brenhinol'.  Mae hefyd yn astudiaeth  reit dda o'r ffordd y bydd Glyn yn 'sgwennu, a'r technegau bach anonest mae mor hoff ohonynt.  Dyma'r cychwyn.

There's only one issue in the news today - Prince Harry going starkers to the snooker table, along with others, at a private party. Everyone seems to have an opinion - and everyone I've talked to has dismissed it as of no importance. Not sure that's right. Certainly worth a comment.

Mae ceisio rhoi pawb yn yr un cwch - yr un cwch a fo - yn un o hoff driciau Glyn.  Fel mae'n digwydd doeddwn i ddim yn yr un cwch o gwbl -  chlywais i ddim un enaid byw yn datgan barn y naill ffordd na'r llall ynglyn a'r mater dan sylw - ag eithrio'r cyfryngau torfol. Neb - dim un person. Mae yna rhywbeth yn dweud wrthyf nad fi oedd yr unig berson y tu allan i gwch bach cyfforddus brenhingar Glyn. 

Ond, peidiwch a phoeni - dydi Glyn ddim am ddechrau gweld bai:

There will be no moralising from me. I still recall leaping out the communal post-match bath at Shrewsbury Rugby Club one mid-winter afternoon, and along with others entering a foot race around the pitch in a snowstorm. I must leave details of this silliness out - but I can say that when we returned to the clubhouse, the changing room door was locked and the only way in was through the bar - which was of course a mixed bar. I do not recall anyone being offended. That was when I learnt that in extreme cold, all embarrassment withers away! I was around 20 at the time. Such silly behaviour is what lads sometimes do.

Mae am i ni i gyd ddeall ei fod yntau yn hogyn go iawn, ac nad ydi o yn hen ffydi dydi sych a di hiwmor fel darllenwyr eraill y Daily Mail. Ddim o gwbl - roedd Glyn yn ifanc unwaith - fel pawb arall. Mae o'n dallt y pethau 'ma. Mae o'n union fel chi a fi.  Boi iawn, boi sydd ddim yn gweld bai, boi da. Boi da chi'n cytuno efo fo.

Ond wedi dweud hynny - mae'n ddewr ac yn ddyn syn gallu dweud ei ddweud:

But its important because Prince Harry is 3rd in line to the throne. I just don't think it was a very sensible thing for him to do. Without being absolutely certain that everyone present would never let him down, there was always the chance of a photograph appearing. Its like the House of Commons Terrace. Every MP knows that any misdemeanour will be picked up by a long lens camera on Westminster Bridge.

Hwre! - Glyn yn smalio bod yn feirniadol am unwaith -  nid bod y sylw yn un beirniadol mewn gwirionedd wrth gwrs - mae'n blydi amlwg nad ydi hi'n beth very sensible   i greadur yn sefyllfa Harry i boetsian o gwmpas yn hollol noeth efo pobl nad ydi o erioed wedi dod ar eu traws o'r blaen.  Fyddai yna neb - hyd yn oed y cwn ar y palmentydd - gydag eithriad posibl (ond anhebygol) Harry ei hun yn anghytuno efo'r sylw 'dewr' yma.

Ond, wedi dweud hyn oll,  dydi Glyn ddim yn credu y dylid gwahardd papurau newydd rhag cyhoeddi lluniau o aelodau o'r teulu brenhinol yn noeth - o na - mi fyddai hynny yn amharu ar rhywbeth pwysig iawn - free speech.

I also accept that it can be argued that the pictures are in the public interest. He is heir to the throne. So I do not think there should be a law which bans publication. Such a law could be used to over-regulate free speech.

Ond am rhyw reswm mae Glyn yn teimlo'n sal  pan mae'r Sun  (papur oedd wedi cyhoedd'r lluniau) yn defnyddio union yr un ddadl a fo tros gyhoeddir lluniau.   Yn wir mae'n mynd cyn belled a smalio dweud rhywbeth dadleuol  unwaith eto - dweud pethau hyll am y Sun"

Most sickening I thought was the Sun's 'freedom of speech' justification. It was just a way of selling more copies of the newspaper. I wish I took the Sun - so that I could cancel my order.

Ond dydi dweud pethau hyll am y Sun heddiw ddim yn risg i wleidydd , fel yr oedd ychydig o flynyddoedd yn ol.  A dweud y gwir mae pawb yn dweud pethau hyll am y Sun ers iddi ddod yn amlwg bod y papur yn dod o stabl o bapurau newydd sy'n ddigon hapus yn hacio ffonau symudol plant sydd wedi eu llofruddio.  Mae beirniadu'r Sun ar hyn o bryd tua'r un mor amhoblogaidd ag ydi beirniadu Fred West. Ond dyna ni - mae Glyn yn rhoi argraff ohono ei hun fel rhywun sy'n fodlon mentro i ddweud yr un peth a mae pawb arall yn ei feddwl.  Boi da, boi rhesymol, boi sy'n cytuno efo chi - boi da chi'n cytuno efo fo.

Ond cyn gorffen mae'n cael panic bach - beth petai yna rhyw hen wreigan yn Llanidloes yn cam ddeall y sylwadau am Harry ac yn meddwl ei fod yn feirniadol ac och a gwae - yn peidio fotio iddo fo y tro nesaf?  Na phoener mae Glyn yn gwybod beth i'w wneud - sef yr hyn mae'n ei wneud orau.  Crafu. 

Finally, I have to admit that the story has caused me amusement. Kelvin Mackenzie was hilarious on Newsnight last night. And there was jollity in my office today. Now it needs to be forgotten. Whatever, I reckon the splendid Prince Harry will not want to play strip snooker again in a hurry.